Рейтинг@Mail.ru
Эйгэ

.

Эйгэ


Билигин
сайтка 1 киһи
баар

Биллэриилэр Сонуннар Кэпсэтии

Сотору:
9 күнүнэн: 02.11.2017 Былыттаах кун буолла5ына кыьына ичигэс.
         
    

Түүлү тойоннооһун-О

КҮН КУЙААРЫМА ТҮҮЛДЬҮТЭ:

ОҔО
Эһээхий оҕо - ыарыыга көстөр.
Элбэх кыра оҕо - чуумпу наҕыл олох билгэтэ.

ОҔУРУО
Оҕуруо тиһэн кэтии - кэһии тутан үөрэргэ.

ОҔУРУОТ
Оҕуруот аһа өлгөмнүк үүммүтэ - ситиһии кэлэригэр, үп - харчы элбииригэр, олох тупсарыгар.

ОҔУС
Оҕус эккирэтэрэ, кэйэрэ - куһаҕан майгылаах киһи буларыгар;
Эдэр кыыс түүлүгэр - кинини бэйэтиттэн аҕа саастаах киһи таптыырыгар;
Эр киһиэхэ - бэйэтин барыллаата киһи үлэтигэр мэһэйдэри үөскэтэригэр.

ОЙБОН
Түһээн ойбоҥҥо түһүү - харчыны сыыһа туттарга, сүтэрэргэ.

ОЙУУН
Ойуун түүлгэ киирэрэ - сэрэтэр суолталаах. Сиэри - туому кэспит, эбэтэр тутуспат киһиэхэ көстүөн сөп.

ООҔУЙ ОҔУС
Ооҕуй оҕуһу түүлгэр көрүү - олоххо мэһэйдэр баалларыгн ыйар, эбэтэр сотору кэминэн баҕа санаан туолбатын туһунан этэр.

ООННЬООН ҮӨРҮҮ-КӨТҮҮ
Сымыйанан үөрэҕин - көтөҕүн - төттөрүтүн ытыыргар, хомойоргор.

ОҺОЛ
Түһээн оһолго түбэһии - соһуччу сурахха, үлэҕэ күүппэтэх өттүттэн кыһалҕа көстөрүгэр.

ОҺОХ
Оһоҕу сыбааһын - Орто дойдуга олорор аналы толорор кэм кэрдии сиппитин, олох оҥосторго тоҕоостоох түгэн үүммүтүн бэлиэтэ.

ОҺУОР
Оһуор анньыы, тигии - салгымтыалаах кумааҕы үлэтэ кэтэһэр эбэтэр баҕа санаа бэрт эрэйинэн туоларыгар көстөр.



БРАВИНА Р.И. ТҮҮЛДЬҮТЭ:



ОБУОЙ
Түүлгэ обуой килиэйдээһин - кыра, бытархай дьыалаларынан дьарыктанарга эбэтэр олоххо туох эрэ уларыйыы тахсарыгар.

ОГДООБО
Огдообону көрсүү - улахан сылалаах эрээри халтай хаалар түбүккэ.
Бэйэн огдообо хаалбытын - улаханнык үөрэргэ.

ОҔО
Кыһыл оҕону көтөҕүү - ыарыы арахпатыгар.
Кыра сааска оонньообут сиргэ оҕо буолан сылдьыы - улаханнык ыарытыйарга.
Түһээн кыра уол оҕону көрүү - кэмсиниигэ, ситэтэ суох, оҕотук быһаарыныыны ылынарга.
Бэйэҕэр маарынныыр кыра оҕо көстүүтэ - өй санаа өссө да ситэ сайда илигин, оҕотук санаан сорох өрүттэрэ баһыйарын ыйар.



ОҔОННЬОР
Чэгиэн көрүннээх, дуоспуруннаах, маҥан баттахтаах оҕонньор - уһун үйэлээх буолары эбэтэр үлэ - хамнас дьоһун сыанабылы ыларын түстүүр.
Сылайбыт - элэйбит, күкээрбит дьүһүннээх оҕонньор - төттөрүтүн дьыала - куолу табыллыбатыгар, санаа түһүүтүгэр биллэр.



ОҔУРСУ
Итии дойдулаах омуктарга оҕурсуу олордуу, көрүү-харайыы иэскэ киирии бэлиэтэ.
Оҕурсууну быһыы, астааһын - иэһи төннөрөргө.

ОҔУРУО
Оҕуруо - харах уута.
Түһээн оҕуруону тиһии - санаа түһүүтүгэр, дьадайыыга.
Ким эрэ оҕуруо тиһэрин көрөҕүн - сотору дьиэҕэр - уоккар туох эрэ соһуччу иэдээн тахсарыгар.
Оҕуруо атыылаһыы - сотору кэминэн сыыһа - халты туттан улахан кыһалҕаҕа киирэргэ.



ОҔУРУОТ АҺА
Оҕуруот аһын олордуу - иэскэ киирэргэ.
Оҕуруот аһын астааһын, буһарыы - начаанньык, чиновник уурааҕын утаран, туох үтүөнү булбакка.

ОҔУС
Оҕус - дьыл сүрэ.
Оҕуһу миинэр - дьылы туоруурга.
Атыыр оҕус кэйэрэ - ыарыы буларыгар.



ОДЕКОЛОН
Одеколон бытыылкатын көрүү - оруона суохтан долгуйууну ылар.
Одеколону бистии - үтүө майгы, тулуурдаах буолуу биһирэнэр түгэнэ үүммүтүн бэлиэтиир.
Одеколон бэлэх ылыы - эйиигин ким эрэ сөбүлүү көрөрүн биллэрэр.
Одеколон бытыылкатын үлтү түһэрии - туох да төрүөтэ суох көрүлүүргэ.

ОЙБОН
Ойбону түүлгэ көрүү - улахан куттал суоһуурун сэрэтэр.

ОЛБУОР
Олбуор - үлэҕэ - хамнаска улахан мэһэйдэр баалларын ыйар.
Олбуор нөҥүө тахсыы - мэһэйдэри этэҥҥэ туоруурга.
Олбуор быыһынан, хайаҕаһынан киирии - чугас киһин эйиигин туох эрэ ночоокко анньарыгар.
Олбуору алдьатыы, көтүрүү - олоххо уларыйыы тахсарыгар.

ОЛОҤХО
Олоҥхо, ырыа - тойук, үҥкүү - ыарыы, иирии - кутуруу сүрэ.

ОЛОППОС
Олоппос - дьиэ кэргэн олоҕун отуора.
Бөҕө-таҕа олоппос - дьиэҕэ - уокка этэҥҥэ буолуу.
Алдьаммыт, эбэтэр охто сытар олоппос - дьиэ иһигэр иирсээҥҥэ.
Олоппос атыылаһыы - аймах дьон ытыктабылларын ылыы.
Олоппоһу атыылыыр - дьиэ кэргэн олоҕо ыһылларыгар.
Олоппоһу өрөмүөннээһин - дьиэ кэргэн олоҕун көннөрөр кыһалҕатыгар түһүү.

ОҤКУЧАХ
Оҥкучах - киһи куһаҕан буоларын сүрэ

ОПЕРА
Операҕа сылдьыы - үрдүк сололоох киһини кытта билсэргэ.



ОРАНЖЕРЕЯ
Оранжерея иһигэр дьаарбайыы - күүтүүлээх ыалдьыттарга.
Оранжереяны хомуйалларын, ыраастыылларын көрөрүн - доҕоргун кэргэнинээн эйэлэһиннэрэ сатаан элбэх бириэмэни ыытаргар.
Оранжерея өстүөкүлэтин алдьатаҕын - кыратык сыыһа туттан дьиэ кэргэнин туруктаах олоҕун аймыаххын сөп.

ООҔУЙ ОҔУС
Саха саныырынан, ооҕуй оҕуһу түүлгэ көрүү - эргиччи үчүгэй суолталаах: тахсыылаах үлэ - хамнас, дьиэҕэ - уокка иллээх, баай - тот олох.

ОРОН
Түүлгэ орон көстөрө - сылайыыны - илистиини, сынньанар наадатын биллэрэр, эбэтэр кэргэни суохтааһын, ахтылҕан бэлиэтэ.
Хомуллан турар орон - этэҥҥэ буоларга.
Ытыллыбыт таҥастаах орон - атааннаһар киһигин кытта көрсөргөр.
Таҥаһа суох, аҥардас матараастаах эрэ орон - эйиигин өс саныыр киһини кытта көрсөргөр.
Туох да таҥаһа суох, кураанах орон - дьиэҕэ уокка алдьархай ааҥныырыгар.
Орон атыылаһыы - өс саныыр дьонулахан ороскуокка тэбэллэригэр.
Маҥан таҥастаах ороҥҥо сытар киһи көстөрө - ол киһи сотору ыалдьарыгар.



ОРОН ТАҤАҺА
Орон таҥаһа (тэллэх, сыттык, суорҕан) - олох сүрэ.
Бүтүннэрэ, ыраастара - дьоллоох олоххо.
Алдьаммыттара, кирдээхтэрэ - аанньата суох олоххо.



ОРОСПУОННЬУК
Ороспуонньуктарга түбэһии - улахан ночоокко көстөр.



ОСЕЛ
Осел - көр-нар, чэпчэки олох бэлиэтэ.



ОСКУОЛА
Түүлгэр оскуолаҕа сылдьарын - үөрэҕин, билиин ситэ тиийбэтин бүтэйдии таайтарар.



ОСТУОЛ
Остуол - олох сүрэ.
Түүлгэ көстөр остуол хайдаҕыттан олох инникитин хайдах салаллыаҕын быһаараллар.
Сахалыы оҥоруулаах, үчүгэй мас остуол - дьиэҕэ - уокка, үлэҕэ-хамнаска барыта этэҥҥэ буоларыгар.
Аһыыр остуол атаҕа тосторо - туох эмэ быһылаан тахсарыгар эбэтэр дьиэ кэргэҥҥэ өйдөспөт быһыы-майгы үөскүүрүгэр.
Кураанах, алдьаммыт сирэйдээх остуол - тиийиммэт буолуу, дьадайыы бэлиэтэ.
Остуолга ас тардыы - малы - салы булуу - талыы, үөрүү-күтүү.
Остуолу хомуйуу - барыс киириэхтээҕэ табыллыбатыгар эбэтэр уу нуһаран олоххо санаарҕабыл күлүгэ түһэрэ.
Остуол атыылаһыы - сотору олох көнөрүгэр.



ОСТУОЛБА
Көр: (Баҕана)



ОСТУОРУЙА
Остуоруйа кэпсиир, эбэтэр истэр - тапталлаа5ы кытта көрсүһэргэ.
Остуоруйа суруйуу - үчүгэйэ суохтук быһыыланарга.



ОҺОХ
Саха итэҕэлинэн, оһох - дьиэлээх дьахтар сүрэ.
Оһох оттулла турара - үчүгэйгэ, өлбөккө - сүппэккэ.
Оһох алдьанара - дьиэлээх дьахтар ыарытыйарыгар, аанньа буолбатыгар.
Оһох кэннэ ойдубута - дьахтар көхсүн тобулу сиэтэрэ.
Оһох сууллара уонна умуллара - дьиэлээх дьахтар ыалдьарыгар.
Арҕаа омук культуратыгар оһох - дьиэ кэргэн иһигэр сыһыан, кэргэнниилэр тапталларын бэлиэтэ.
Оһох үчүгэйдик, суостаахтык умайара - имэҥнээх, уохтаах тапталы түстүүр.
Оһох аанньа умайбата, буруолуура - таптыыр киһин аанньа ахтыбат буолуутун таайтарар.
Оһох сууллара - ночоот тахсарын, дьиэ иһигэр куһаҕан өттүгэр уларыйыы буолуоҕун сэрэтэр.


ОТ
Күөх от - дьолго.
Хагдарыйбыт от - мөлтөөһүҥҥэ, ыарыыга.
Кэбиһиилээх от - байарга, санаа туоларыгар.
Оттоох сыарҕа - биллэр көстөр дьону кытта билсэргэ, үлэ - хамнас дьоһун сыанабылы ыларыгар.



ОТ КҮӨҔЭ ӨҤ
От күөҕэ өҥ баһыйар түүлэ - баҕа санаа туолуутун көрдөрөр.
От күөх - эрэлт уонна кыахтаах, көмүскэллээх буолууну түстүүр.



ОТ ҮЛЭТЭ
Түһээн оттуур, от мунньар эбэтэр кэбиһэр - үчүгэйгэ, этэҥҥэ дьыл тахсарга.



ОТОН
Отон - дьаҥ, эбэтэр харах уутун сүрэ.
Отон хомуйуу, эбэтэр отон атыылаһыы - бэйэн буруйгуттан ытыыргар.
Отон сиирин - санаан түһэригэр.
Отону атыылыырын - эйиигиттэн сылтаан дьонун санаалара алдьанарыгар.



ОХ
Ох - уол оҕо сүрэ.
Түһээн оҕу көрүү - уол оҕо төрүүрүгэр.



ОХСУҺУУ
Түүлгэ бэйэн охсуһарын, дьону атаҕастыырын - куһаҕаҥҥа, дэҥҥэ-оһолго.
Түһээн билэр киһигин сутуруккунан охсуолуурун - ол киһилиин этиһэргэр, хардары-таары бэйэ бэйэҕитин буруйдуургутугар.
Эйиигин бэйэҕин охсуолуур - тэбиэлиир буоллахтарына - ыалдьыаххын, эбэтэр ночоотуруоххун сөп.
Сатаан көмүскэннэххинэ - дьону кытта сыһыанын тупсуо уонна үлэҕэр элбэҕи ситиһиэн.
Түһээн абааһыны кытта охсустаххына - хайаатар даҕаны кыайа сатаа, оччоҕо эрэ баар мэһэйдэри туораан, ситиһиилэниэн эбэтэр дэнтэн-оһолтон, туох эмэ ыарыыттан мүлчү түһүөн.



ОХТУУ
Түүлгэ охтуу, сууллуу - сэрэхтээх буолууну эрэйэр: туох эмэ быһылаан эбэтэр соһуччу ыарыы булаары гыммытын бэлиэтэ.

Суруйда Baaska. 2011-12-12 18:45:18 VLAT.



    
Яндекс.Метрика Рейтинг@Mail.ru
^ Үөһээ